توضیحات

جنوب حکایه لری

• میرزه ابراهیم اوو
• کؤچورن: رحیم خیاوی
• ناشر: پارلاق قلم
• 105 صفحه
• بیرینجی چاپ 1400
• شابک: 5-71-6993-622-978

میرزه ابراهیم دیرلی شخصیت ایدی. آذربایجان ضیالیلیغینی تمثیل ائدن بؤ یوک شخصیت اونا قیمت وئررکن هانسی حزبین عضوو اولدوغونو، هانسی بویوک وظیفه لرده ایشله دییینی یوخ، یالنیز بؤیوک انسانلیغینی و شخصیتینی گؤز اؤنونه گتیرمک لازم دیر.

او، چوخ تمکینلی شخصیت ایدی. عؤمرونون مدریکلیک چاغ لاریندان دؤنوب آرخایا بویلاناندا، بلکه نیه سه تاسفلنمه یی اولوب، هانسی اثرلریسه تماملاماییب، هانسی ایشیسه یاریمچیلیق قویوب، اما هئچ وقت اؤزونه خاص اولان تمکینینی پوزماییب. همیشه چالیشیب کی، طرف لر آراسیندا صلح یاراتسین، هومانیزم، باریشدیریجی موقع اونون اجتماعی فعالیتی نین باشلیجا خصوصیت لریندن بیری ایدی. اما یئری گلنده همین تمکین مدریک لیکله بیرلیکده آددیملاییبدی.

تمکین و سویوق قانلی لیق حتی ان گرگین و دراماتیک آن لاردا دا اونون رفتارینی ترک ائتمه دی. نئچه دفعه یارادیجیلیق مذاکره لرینده تریبونا قالخیب ساکتجه، قیزیشان طرف لرین اودونو نئجه سؤندورمه یینی اؤز گؤزلریمله گؤرموشم. حتی اونا سؤز آتیب لار، کورسودن آشاغی دوشسون دئیه چپیک چالیب لار، اما او، تمکینینی پوزماییب. بو تمکین و سویوق قانلیلیغا نئجه حیرت ائتمه یه سن کی، اوزاق نیکوزیادا، هیلتون هتلینده آسیا و آفریقا اؤلکه لری ایله سووئت هم رای لییی کمیته سی نین صدری کیمی تریبونا قالخاندا بیر گروه تئررورچو اجلاس سالونونا داخل اولدو و اونون گؤزلری قارشیسیندا «یوسف الصبائی»نی گولله له دیلر. اوچ گون مدتینده بوتون نماینده هیئتی گیروو ساخلانیلدی.