بستن
0 محصول
مشاهده سبد خرید
فروشگاه اینترنتی ائوده آل
ضمانت اصالت کالا
7 روز گارانتی بازگشت وجهموجود در انبار
«آذربایجان خانیم شاعیرلری» عنوانیندا حاضیرلانیب الینیزده اولان بو کتاب، قادین شاعیرلریمیزدن اورنک کیمی گوستریلن و اونلارین الیمیز چاتاناقده ر بیر حصه سینی تانیتدیرماغا چالیشماق اوچون کیچیک بیر آددیم ساییلابیلر. یوخسا مختلف زامانلاردا، شاعیرلر اؤلکه سی اولان آذربایجانین باشاباشیندا اینجه دویغولو قادین شاعیرلرین یاشاماسی بیزه معلومدور. تاسف له کئچمیشده دیل و ادبیاتیمیزین کینه لی دوشمن لرینین تهلکه لی فاجعه لر و آغیر سیخینتی لار یاشاتماسی سونوجوندا تذکره یازانلار عمومیت له تورکجه یازان شاعرلرین بیر چوخونو اونودموشلار. آدلارینی چکنلرینده حیات و یارادیجیلیغینا اعتناسیز قالیب، یئله لیکله بو ده یرلی اثرلرین ایتیب باتماسیندا منفی تاثیر بوراخیب اونلارین قورونماماسینا و زامانین زوالینا گلمه سینه یاردیم ائتمیشدیرلر. بوناگؤره ده آذربایجانین خانیم شاعیری نین یاشاییشی و یارادیجیلیغی حاققیندا گرکلی بیلگی ایله اونلاری تانیتدیرا بیلن کامل بیر تذکره نین یئری هله ده بوش قالما قدادیر.
بو کتابدا شاعیرلرین زامان باخیمیندان گتیریلمه سی دوزگون اولسایدی دا، بعضی ملاحظه لره گؤره الیفبا سیرابی ایله یازیلمیشدیر.
کتابین حاضیرلانیب، چاپ اولماسیندا الیندن گله نی اسیر گمه ین دوستلاردان تشکر ائتمه یی اؤزومه بورج بیلیب، گله جکده کامل بیر تذکره نین حاضیرلانماسی اوچون ادبیاتیمیزلا ماراقلانان عالیم لرین و ادب سئور انسانلارین آذربایجانین قادین شاعیرلریندن اولان بیلگی لرینی آشاغیدا کی عنوانا گؤندرمکلرینی آرزیلاییب اونلاردان اولدوقجا منتدارلیغیمی بیلدیریرم.
رضا غفاری
موجود در انبار
آذربایجان خانیم شاعیرلری آنتولوژوسو
هنوز بررسی‌ای ثبت نشده است.